Vawiin December ni 1, 2025 hian Cricket Association of Mizoram leh Lawipu Veng Local Council te chuan Thawhdunna Thuthlung (MoU) an ziak.
Hei hi November ni 8, 2025 a Lawipu Veng LC te nena Joint Meeting neiha hmalakna kal zel a ni a, tunah 3rd Division Screening Tournament vawiin aṭanga khelh ṭan a ni.
He Thawhhona hi kum 2030 thleng tura tih niin hemi chhung hian Lawipu Veng khelmual hi CAM hian division screening tournament khelh nan te, naupang leh hmeichhe lam inkhelh nan te ruahhman a ni.
Ground hmunhma chei leh ṭul dangte hi CAM sum hmanga hmalak niin, ground laiah hian cement pitch siam/chhun a ni bawk. Ground hi hun engemaw chen a thlawna hman tur niin, Lawipu ṭhalaite tan ground sirah practice pitch siamsak tum a ni bawk. Hei hi a ṭul dan azirin Mizoram Team te tan pawha hman theih tura tih a ni.