Women’s Under 23 T20 Trophy Plate tournament Agartala a khelh mekah ruah sur avangin November ni 19-a Mizoram vrs Arunachal Pradesh match leh vawiin November ni 21 a
Mizoram vrs Manipur match khelh tur te khaw awmdanin a zir loh avangin khelh theih a ni lo ve ve a, heng match te hi point in sem (point share) a ni.

Amaherawhchu, Mizoram team te hi an match hmasa pathumah an lo chak vek tawh avang leh an tumpui te an hnehna a san avangin final an lut a, Thawhṭanni (November ni 23) ah Manipur nen final an khel ang.

Final match hi ruahmansa anga kalpui tlang tur niin, khawchhiat avanga khelh theih loh anih chuan group leader leh tumpui te hnehna (NRR) sang zawk Mizoram Team te champion-a puan an ni ang.

Mizoram Women U23 Team te hi One Day format ah Elite Group an nih avangin kum 2027 March thlaah inelna level sang zawk tournament hi an la hmachhawn dawn a ni.

Thawhṭannia final khelh turah pawh champion ngei turin CAM chuan duhsakna a hlan a ni.