Ranji Trophy Plate Group Phase 1 match hnuhnung berah Mizoram chuan Arunachal Pradesh chu Innings khat leh run 29-in a hneh.
Arunachal Pradesh lamin vuak hmasak thlangin over 77.5 chhungin run 285 an siam a. Guest Player Kuldip Yadav chuan wicket 4 lain Bobby Zothansanga’n wicket 3 a la. Lalrempuia’n wicket 2 lain R. Lalnuntluanga’n wicket 1 a la bawk.
Mizoramin over 157 chhungin run 571 siama wicket 9 hlohin an Innings an duhtawk (declared) a. Opener Lalhruaizela’n run 69 a siam a, Guest Player Chinmay Sutar chuan run 175 siamin Manendra Singh (73), Jehu Anderson (50), Joseph Lalthankhuma (86), K. Vanrotlinga (53*) te’n an thawhhlawk hle.
Arunachal Pradesh lamin vaw ve lehin run 257 siamin an all out a, Mizoram tan Bobby Zothansanga’n wicket 5 lain, K. Vanrotlinga’n wicket 3 a la bawk. Arunachal lamin Innings pahnih belhkhawma Mizoram run siam zat an umphak loh avangin Mizoramin Innings khat leh run 29-in hnehna an chang a ni.
Ti hian Ranji Trophy Plate Group Phase 1 chu khelh zawh niin Phase 2 hi January ni 17 – 20, 2027 chhungin khelh a ni leh ang. Mizoram hian an Tournament hmachhawn leh hmasak ber tur Syed Mustaq Ali Elite chu November ni 14 aṭang hian an khel leh ṭan ang.