Mizoram leh Nagaland te’n an khelh mek tournament (October ni 15 – 18, 2026 chhung khelh tur)
Ranji Trophy Plate a ni 2 na (day 2) ah Mizoram Men’s Senior Team
guest player Chinmay Sutar chuan vawiin khan runs 400 lai a vawchhuak.
Hei hi Ranji Trophy-a mimal score sang ber dawttu niin,
history ropui tak a hnutchhiah a ni.
Chinmay-a’n run 400 a siam theih nan hian player lut hnuhnung ber (last man) Mizo player Marema hian a thawh hlawk hle a, an pahnih run siam zat (last wicket partnership) hi run 190 lai niin, he pawh Ranji Trophy history-a 10th wicket partnership pathumna a ni bawk. Chinmay-a’n record a siam theihna tur hian Marema hi a pawimawh hle a ni.
Tihian ni hnih khelh tur la awmah Mizoram dinhmun hi a ṭha ta hle bawk.
Mumbai tlangval kum 29 mi Chinmay hian Ranji Trophy chanchina quadruple century (run 400) siam thei pahnihna leh first-class cricket-a hetiang zat siam thei Indian cricketer pahnihna record a siam a ni.
Indian batter zinga run 400 pel thei awmchhun chu B.B Nimbalkar niin, ani hian kum 1948–49 daih tawh khan Maharashtra tana khelin Kathiawar lakah 443 (not out) a lo siam tawh a ni.
Cricket Assocoation of Mizoram aiawha khel (guest player) hetiang record ropui siam thei an awm hian CAM chuan a chhuang hle a, a kal zelna turah pawh duhsakna a hlan bawk a ni.