BCCI hnuaia Mipa Under 19 inelna ‘Vinoo Mankad Trophy Plate’ match thumna chu vawiin October ni 12 hian Bhubaneswar-ah khelh niin Mizoram chuan Nagaland chu run 107-in a hneh.
Toss-ah Nagaland chakin vawm hmasak an thlang a. Mizoramin over 50 chhungin run 268 siamin wicket 7 an hloh a. Zemabawk tlangval Lalramluahpuia’n run 134 a siam a, VL Chhuankima’n run 43 a siam bawk.
Bowling lamah Vanlallawmkima’n Wicket 4 lain, Lalremtluanga, Stephen Lalawmpuia leh VL Chhuankima te’n wicket 1 ṭheuh lain over 50 chhungin Nagaland-in run 161 siamin wicket 9 an hloh a ni.
Mizoram hian October ni 16 hian Sikkim nen an League Round match hnuhnung ber an khel ang.