Cricket Association of Mizoram hruaitu te’n Tanhril rama cricket ground sak anih theih nan India ram cricket hotu pawimawh
Pu Devajit Saikia, Secretary BCCI an hmu.
CAM hruaitu te hian BCCI Secretary hnenah hian Mizoram in ground a mamawhna san zia te sawiin, ground in daih lohna avanga football ground hman anih ṭhin dan te leh ground pakhat chauh nei chunga season liamta a CAM hlawhtlinna chan hrang hrang te sawiin, Tanhril ground puitlin anih thuai theih nan an dawr a ni.
BCCI Secretary pawhin ṭha taka lo dawngsawngin, tih hlawhtlin ngei anih theih nan hmalak a tum thu a sawi bawk.
Pu Devajit Saikia hi cricket ground sakna tur atana drawing siam te leh estimate siam te pek nghal a niin, a lo bawhzui tur thu a sawi a ni.
CAM hruaitu kal te hi Pu Robert Lalfamkima, Hony. President, Pu Lalfakawma Varte, Hony. Secretary leh Pu Lalrinawma Chhangte, Hony. Joint Secreatary te an ni a; Tanhril ram hi CAM hruaitu hlui Pu Lalrochuanga Pachuau te chhungkaw pek a ni.