20th Asian Games Japan-a neiha Indian Women Hockey Team te champion puitu – Lalremsiami Hmar, Kolasib leh Lalthantluangi, Kanghmun South te chawimawina hun October ni 5, Thawhṭanni-a Mizoram sawrkarin R Dengṭhuama Hall-a a buatsaihah Cricket Association of Mizoram chuan lawmpuina a hlan ve.
He hunah hian Pu Lalfakawma Varte, Hony. Secretary leh Pu Lalrosanga, Hony. Vice President te’n CAM aiawhin lawmpuina ‘thuziak chei’ leh BCCI logo chuanna ‘lukhum’ an hlan.
MSSC ngenna angin CAM hruaitute pahnih bakah hian, CAM aiawhin ‘Women Senior Team’ leh ‘Women Under 23 Team’ a player ṭhenkhat te he lawmpuina hunah hian an tel bawk.
Thenzawl a Lalthantluangi, Kanghmun South hmuahna hunah pawh Thenzawl Cricket Club te’n lawmpuina thilpek an hlan a ni.