Cricket Association of Mizoram hnuaia Mipa cricket team Men’s Senior Team te’n India rama (BCCI domestic) tournament ngaihhlut leh dahsan ber Ranji Trophy Trophy tournament khel turin vawiin (October ni 5) hian Nadiad, Gujarat an pan.
Tournament hi nikhat aia rei khelh chi (multi days format) niin, hmun hrang hranga khelh tur a ni ang.
Mizoram team te hian October ni 11 hian an match hmasa berah Manipur an tum anga, match hnuhnung ber hi January thlaa khelh tur niin Sikkim an tum leh ang.
Mipa senior team te hi SMAT tournament (T20 format) plate group-a champion lai an ni.
BCCI in a phal angin Mizoram team ah state pawn player (guest player) pathum an tel a, inbuatsaihna ṭha tak hnuaiah champion ngei tumin senior team te hi an inbuatsaih a ni.