Vawiin October ni 2, 2026 hian Ramhlun Sports Complex-ah President’s Cup 2026 Final khelh niin Super Over-ah Zemabawk Pitchers CC te’n Chhinga Veng CC hnehin nomawi an chawi.
Toss-a chak Chhinga Veng CC lamin vuak hmasak an thlang a. Over 20 chhungin run 152 siamin wicket 7 an hloh a, Marcus Lalpekhlua’n ball 54-ah out lovin run 80 a siam a, Marty Lalrinhlua’n run 21 siamin Captain Lalhruaimawia Ralte-in run 19 a siam ve bawk. Zemabawk Pitchers tan Captain Zomuansanga’n Wicket 3 a la a, Nelawma’n wicket 2 la bawkin Samuela leh Lalrempuia te’n wicket 1 ve ve an la bawk.
Zemabawk Pitchers CC te’n ṭha taka bul ṭanin Vanlalpekhlua’n Run 39 a siam a, Zomuansanga’n run 31 siam bawkin Johan Lalruatfela’n run 29 a rawn vaw chhuak ve bawk. 3C tan Captain Hruaimawia leh Lalrinfela ten wicket 3 ve ve an la a. Zemabawk Pitchers hian over 20 chhungin run 152 tho siam vein Super Over khelh niin Super Over-ah hian hnehna an chang ta a ni.
Match Summary
Chhinga Veng CC 152/7 (20)
Zemabawk Pitchers CC 152/ (20)
Super Over
Zemabawk Pitchers CC 17/0
Chhinga Veng CC 12/1
Mimal Lawmman
Final Player of the Match – Vanlalpekhlua Zote, Zemabawk Pitchers CC
Player of the Tournament – R. Lallawmzuala, Durtlang CC
Best Batter – Bernard Lalhmangaihzuala, Tlangnuam CC
Best Bowler – Anthony Lalremruata Sailo, Ainawn Veng Pacers CC