Cricket Association of Mizoram hnuaia rorelna sang kumtina neih ṭhin ‘8th Annual General Meeting chu September ni 28 (Thawhṭanni) khan State Guest House, Lily Veng ah neih a ni.
AGM hi Hony. President Pu Robert Lalfamkima’n kaihhruaiin, Pu Lalfakawma Varte, Hony. Secretary in report pein, inhmelhriattirna a nei bawk.
Pu R Lalnunsiama, Hony. Treasurer in budget a pharha, budget hi sawiho anih hnuah pass a ni. Hei bakah hian thil pawimawh tak tak rel ho a ni a, committee hrang hranga member tur te pawh ruat an ni bawk.
Cricket Association of Mizoram 2026 – 2027 Season budget atan
₹ 20,23,60,000/- (vaibelchhe sawmhnih, nuai sawmhnih pathum leh sing ruk) pawm a ni.