Vawiin September ni 25, 2026 (Zirtawpni) hian Serchhip District Cricket Association (SEDCA) leh Presbyterian English School (PES), Serchhip te chuan cricket zirna (Academy) chungchangah ‘Thawhhona Thuthlung’ (MoU) an ziak.
He ‘Thawhhona Thuthlung’ ah hian SEDCA aiawhin President, Pu R Lalrinawma leh PES aiawhin Principal, Pu Ramluahpuia Kawlni te chuan an hming an ziak a ni.
SEDCA lam hian cricket zirtirtu tur coach te pein, PES school naupangte tan a thlawnin cricket an zirtir ṭhin dawn a ni.
Pu R Lalrinawma, President SEDCA chuan sawiin, _’Cricket Association of Mizoram hriatpuina-a MoU an ziak thei chu lawmawm a tih thu sawiin, PES aṭang hian talent tam tak hmuh an in beisei thu a sawi bawk’.
Pu Ramluahpuia Kawlni, Principal PES pawhin an zirlaite chu game hrang hrang an an tuipui thu sawiin sports discipline hrang hrangte nen thawh hona an neih thu a sawi bawk.
He hunah hian SEDCA lam aṭangin Pi V Lallawmzuali, SEDCA Treasurer leh Academy Committe member te telin, PES lam aṭangin Principal leh zirtirtu te an tel bawk a ni.