Cricket Association of Mizoram chuan 2026 – 27 season atan Mizoram Team te hak tur jersey tlangzarhna hun September ni 9 (Nilaini zan) khan Chanmari YMA Hall ah ropui takin a hmang.
Mizoram Team thawmhnaw tlangzarhna hi Pu Robert Lalfamkima, Hony. President in neiin, ‘Mizoram aiawha khel te vairam lam nena khaikhina an opportunity ṭhat bik zia te sawiin, rilru puthmang dik leh paukhauhna nena hmalam hun pan zel turin player te a fuih a ni.’
He programme hi kumin a Mizoram team kits hak tur Kalki Enterprise sponsor niin he hunah hian Kalki Enterprise Director Pu Roshan Mahadev in a rawn telpui bawk a ni.
Hony Secy. Pu Lalfakawma Varte in report pein, tun hnaia CAM hlawhtlinna leh hmalakna hrang hrang te a tarlang a ni.
Mizoram Team jersey te hi Mizoram top model te’n rawn phochhuakin, CAM Cricketer of the Year – Joseph Lalthankhuma leh Jacinta Lalṭanpuii te’n jersey thar tur hi pholanna nei bawkin, hun hlimawm tak hman a ni.