BCCI official kaihhruaina leh endikna hnuaiah vawiin August ni 26, 2026 (Nilaini) hian Trinity Hospital ah Mizoram Team pahnih – Under 15 Hmeichhia leh Under 16 Mipa te tan ‘bone test’ neih a ni.
BCCI ah hian kum bithliah hrang hrang tournament awmin, dik (fair) taka khelh anih theih nan leh kum dik tak chauhin an khelh theih nan ruh endikna (bone test) hi BCCI official te kaihhruaina hnuaiah neih ṭhin a ni.
Tun ṭumah pawh hian Mizoram team Under -16 mipa mi 17 leh Under – 15 hmeichhia mi 17 te’n test hi an nei a, heta an result hi an cricket khelh zelna tur (career) ah rin tlang tawh tur niin, tun ṭumah pawh hian player test neih ngai loa tling sa an awm bawk.
Team te hi – Mipa lam Sir Hezekia leh Sir Terina te’n kalpuiin, Hmeichhe lam hi Miss MKi leh Miss Duati te’n an kalpui a ni.
CAM in theihtawpa a hmalakna zarah Mizoram hi bone test nei hmasa pawl tak niin, North East ah phei chuan ti hmasa ber kan ni.
Result pawh rang taka a chhuah theih nan hmalak leh bawhzui a ni bawk.