August ni 21 Zirtawpni khan Cricket Association of Mizoram (CAM) leh school thawhhona kal zelah Neuhof English Medium School, Chanmari leh CAM te’n Vuakhawnna Hun an nei.
Vuakhawnna hi Pu Lalfakawma Varte, Hony. Secretary in neiin, Pu Andrew Laltlankima Principal, Neuhof English Medium School in a ṭawiawm a ni.
Pu John Lalrindika, Chairman in Committee aiawhin report a pe a;
He hunah hian School Monitoring Committee member te bakah Coach atana ruat te leh Mizoram player 2 –
Bobby Zothansanga leh K Lalrempuii te’n hun an hmanpuia, Pu H Lalremruata kaihhruainain zawhna leh chhanna hun te neih a ni.
Neuhof School Band te’n zai ngaihthlak nawm leh hmuhnawm takin an perform bawk.
CAM-in Coach a ruat te kaltlangin School te hian kar tin ṭum thum cricket an zir ṭhin dawn a ni.
Heti hian tun season atan CAM chuan School paruk a thawhpui dawn ta a, a thawhpuite hi CAM lamin Coach leh cricket bungrua a thlawn vekin a pe dawn a ni.
Kumin kum tawp lamah Inter School Cricket Tournament (mipa leh hmeichhia) buatsaih a ni dawna, middle school leh high school a duh apiang tan tel theih a ni ang.