2026 – 2027 season atan Cricket Association of Mizoram hnuaia club affiliation leh player te registration tih hun a lo ni leh dawn ta a, CAM hnuaia club leh player te hriattir kan ni e. Affiliation leh registration atana hriattur te –

1. CAM Technical Bu – A.2 in a sawi angin club affiliation hi August ni 15 – 31, 2026 inkara tihfel vek tur a ni. Hemi hun chhung hian player transfer leh player registration tih fel vek bawk tur a ni.

2. Club affiliation hi CAM office ah August ni 15 – 31, 2026 chhungin gpay/cash a pek theih a ni ang. Affiliation hi CAM hnuaia club lo inziaklut tawh tan Rs. 500/- leh affiliation ti thar tur (Pre Season Screening Tournament finalist) tan Rs. 700/- a ni ang.

3. Player registration hi online in (https://cricketmizoram.com) August ni 15 – 31 chhungin tih theih a ni a, 2025 -26 season a CAM hnuaia player inziaklut tawh te tan registration tih nawn a ngai lo ang.
Amaherawhchu, player paih tur, belh tur leh transfer tur nei club te tan registration a hrana ti
loin paih/belh/transfer dilna club hmingin CAM Hony Secretary hnenah thlen tur a ni ang.

4. Player registration ti tur tan heng – Mizoram khua leh tui nihna tihchianna tur Voter’s ID/Adhaar Card leh Ration Card original, passport, signature, email address te hi upload tur a ni ang.
Player document dik lo te leh rinhlelh awmte chu original document enfiah (check) tura reject phawt an ni anga, registration tih hun chhung bak chu player ziah luh/paih theih a ni tawh lo bawk.
Player registration ti thar tur te tan an document te hi August ni 15, 2025 hma ami (date of
issue August ni 15, 2025 hmalam) a ni ngei tur a ni.

5. Player registration hi mi pakhatin club pakhat chauha tih tur a ni a, club affiliation ti thar tur (Pre Season Screening Tournament finalist) tan club account siam a ngai bawk.
Club pakhata player inziahluh theih zat hi mi 15 – 30 inkar (mi 15 aia tlem lo leh mi 30 aia
tam lo) a ni tur a ni.

6. CAM hnuaia district area ṭheuha club hi din tur anih avangin Aizawl district area pawn ami te chuan anmahni awmna district hnuaiah chauh club affiliation hi an ti tur a ni.

Club affiliation leh player registration chungchanga zawh duh leh hriatchian duh nei te chuan CAM office/staff te hnenah emaw CAM Hony. Secretary hnenah emaw registration hun hawn chhungin zawhfiah theih a ni ang.