CRICKET ASSOCIATION OF MIZORAM PRE-SEASON TOURNAMENT, 2026 RULES
1. Match-te hi 3rd MAP Ground, Mualpui, Aizawlah khelh tur a ni.
2. Tournament-ah hian ball var hman tur a ni a, colour jersey hak tur a ni.
3. Inkhel enkawl tur hian Match Refree 1, Umpire 2 leh Scorer 2 (online & manual) an awm ang.
4. TOSS hi inkhelh tan huna ruat (09:00) hma minute 30-ah neih ṭhin a ni ang i.e. 8:30am. Hetah hian Captain-in Match Referee hnenah team list 3 copies a pe ang. Toss laia playing XI tur kim lo chu an batting over tihtlem ( reduce) sak tur a ni ang. Match tan hunah player khel turte an thleng kim lo a nih chuan walk over an ni ang. Tin, Walk over team te hi khami match-ah khan an NRR -3 (minus 3) an ni ang.
5. Team list kan ziah chhuahte hi CAM-a players registration-a kan ziah ang thlapin (hmingpum) ziah tur a ni.
6. Finalist team 2 te hi Season thar atan 4th Division-ah hlankai an ni ang.
7. Match tinah score tie a awm chuan super over hmanga chak zawk zawn a ni ang. Khawchhiat vang emaw eng emaw harsatna dang avanga match khelh theih loh tawp a awm chuan point share a ni ang, hei hi league match bikah a ni ang. Knock out stage-ah match khelh theih loh tawp a awm chuan rematch dan zawn emaw tournament committee te’n a ṭul angin thutlukna an siam thei ang.
8. League-ah point inang an awm a nih chuan NRR (Cricheroes) hmanga position siam a ni ang.
9. Khaw chhiat vang leh thil dang vanga inkhelh hun tura ruata inkhel tan hman loh a nih chuan a ṭul angin over tihtlem (reduce) theih a ni ang. Over 5 per inning chin hi match puitlingah pawm theih a ni ang. Tin, harsatna avanga inkhel tihtawp a niha, team pahnih ten over 5 ve ve an khelh tlin tawh chuan DL Method hmanga result siam theih a ni ang.
10. Heta ziah lan bak chu Qualification document for BCCI tournament 2025-2026 leh Playing Conditions for Men’s T20 (Sayed Mustaq Ali Trophy, Plate Group) match rules hman tur a ni ang.
11. Thildang, harsatna eng emaw leh ngaihtuah ngai thil a awm chuan Senior Tournament Committee-in thutlukna a siam thei ang a. An rel fel theih bak a awm a nih chuan Apex Council hnenah an thlen thei bawk ang.