Cricket Association of Mizoram chuan 2026 -27 season atana 4th Division Team hmun ruak pahnih (2) luah turin 4th Division Screening Tournament-a bottom 3 club te leh club registration tih thar tum te tan ‘Pre-season Screening Tournament’ a buatsaih leh dawna, a hun atan August ni 3 – 8, 2026 ruahman a ni.
4th Division Club aṭanga relegate club pathum – Sakawrtuichhun CC te, Khatla East CC te leh Bawngkawn CC te bakah affiliation tih thar tum club te’n he tournament hi khelh tur a ni ang.
Tournament khel tur leh khelh tum te chuan July ni 25, 2025 ral hmain CAM office ah ziaka inhriattir tur a ni a. Hriatchian duh neite chuan CAM Hony. Scretary hnenah zawhfiah theih a ni bawk ang.
Club din thar tumte tana hriattur te –
- CAM hnuaia club in dinthar turte reng rengin player 25 – 30 inkar an inziaklut tur a ni a, heng player ziahluhah hian Mizo player 60% aia tlem lo an awm ngei tur a ni.
- Tournament match khelh turah playing eleven ah Mizo player 50% aia tam (mi 6 aia tlem lo) te’n an khel tur a ni.
- Club indinthar tur reng rengin veng hming an pu tel ngei tur a ni a, an veng LC/VC hriatpuina lehkha an nei tur a ni bawk.
- Club indinthar tur te’n Office Bearers an nei tur a ni a, chungte chu CAM in registration a pawmsak hmain CAM ah an hriattir bawk tur a ni.
- 4th Division aṭanga relegate team 3 hian an player ngai (2025-26 season affiliated player) chauh an ring thei anga, Club tel thar turte ah hian 2025 -26 season a affiliated player te tel/khelh theih a ni lo bawk.
- Club indin thar tur te’n CAM hnuaia tournament khel thei turin anmahni pualin cricket khelhna bungrua/kits an nei tur a ni.