Vawiin May ni 13, 2026 hian 3rd Veteran Tournament 2026 – Final chu 3rd Bn MAP Ground, Mualpui-ah khelh niin Champion lai Chanmari VT chuan run 54-in Ramthar Veng Gladiators VT hnehin Champion title an humhim.
Toss-a chak Chanmari VT te’n vuak hmasak an thlang a. Pritam Gurung chuan run 29(38) siamin Robert Lalfamkima’n run 27(16) rawn siamin over 17.4 chhunga out vekin run 105 an siam a. Gladiators tan F. Lallawmkima leh Johny Lalfakzuala ten wicket 3 ve ve lain Ricky Lalchhanchhuaha’n wicket 2 a la bawk.
Ramthar Veng Gladiators VT te’n vaw vein run siam an harsat a. Chanmari VT bowler te’n ṭha taka vawmin over 12 chhunga out vekin run 51 an siam a. Chanmari tan RW Lalhmingliana’n wicket 4 a la , Reuben Lalchhandama’n wicket 3 lain Pritam Gurung chuan wicket 2 a la bawk. Player of the Match atan Pritam Gurung, Chanmari VT thlan a ni.
Tin, inkhelh ṭan hma hian Ramthar Veng Gladiators CC dintute zinga mi leh tun Veteran Tournament-a Team member Pu Malsawmkima (Mesa), May ni 7 2026-a boral ta hriatreng nan Minute 1 ngawi renga dingin amah sunna hun hman a ni bawk.
Mimal Lawmman –
Player of the Tournament – F. Lallawmkima, 68 runs 10 Wickets (Ramthar Veng Gladiators VT)
Best Batter – Dr. Lalthantluanga, 132 runs (Armed Veng VT)
Best Bowler – RW Lalhmingliana, 13 Wickets (Chanmari VT)
Veterans’ Pride Award – PC Lalremruata (Ramthar Veng Gladiators VT)