BCCI hnuaia Men’s U-23 State A Trophy Plate Group Match vawi hnihna chu vawiin ni 11 November, 2025 hian khelh niin Mizoram chuan Sikkim wicket 5-in a hneh.
Ropar, Punjab-a inkhelah hian Mizoram Toss-ah chakin vawm hmasak an thlang a, Sikkim-in Over 41 chhungin run 134 siamin an all out a. Mizoram tan Ṭhuampui tlangval Sahil Sharma chuan wicket 2 lain, Johan Lalbiakkima, Lalhmangaihzuala, PC Zothankima, Prem Kumar Layak leh Lalduatliana te’n wicket 1 ṭheuh an la ve bawk.
2nd Innings-ah Mizoramin over 40.3 chhungin 135 an siam a, wicket 5 hlohin an target an umpha a ni. Ramhlun Venglai tlangval, captain ni bawk Johan Lalbiakkima’n ball 102 a hmachhawnah out lovin run 53 a siam a, Vanlalpekhlua Zote-in run 15(37) siamin Marcus Lalpekhlua’n run 14(26) a siam bawk
Mizoram hian ni 13 November 2025 ah Manipur an tum leh dawn a ni.
Match Summary
Sikkim 134/10 (41 overs)
Sahil Sharma 2/19 (10 overs)
Johan Lalbiakkima 1/21 (10 overs)
Mizoram 135/5 (40.3 overs)
Johan Lalbiakkima – 53(102)
Vanlalpekhlua Zote – 15(37)
Mizoram won by 5 Wickets.