November ni 8, Inrinni khan Serchhip District Cricket Association chuan Lucknow (Uttar Pradesh)-a BCCI Women’s Under-19 T20 Trophy Plate Group khelh zawh taka Champion Team, Mizoram Team a tel Lalrindiki Ralte (Dadiki) dṭo R. Lalhmangaihzuala, Chanmari Veng, Serchhip pualin lawmpuina hun an buatsaih.
He hun hi SEDCA President Pu R. Lalrinawma’n kaihruaiin SEDCA aiawhin Nl. Lallawmzuali Treasurer chuan lawmpuina thuziak a hlana, SEDCA Secretary Pu Lalbiakzuala chuan SEDCA lo in din chhoh dan leh an hmalakna te tarlangin, tun thlenga Academy aṭanga player an chherchhoh dan te a sawi bawk a ni.
Hun hman zawh hian Champion lawmpuina ruai ei ho nghal a ni.
Dadiki hi batter niin hmabak nei eng tak leh Mizoram inghahna zing a mi a ni a, tunah hian Under 19 leh Under 23 team ah a tel pha ve ve a ni.
Dadiki chawimawi nan hian a thlalak te Serchhip khawlaiah tar a ni bawk.