Khaled Memorial 2nd Division Tournament Final chu vawiin ni 10, April 2025 khan Suaka Cricket Ground, Sihhmuiah khelh niin Durtlang CC chuan League Match-a an hneh tawh loh Chhinga Veng CC chu wicket 2-a hnehin an Champion. Durtlang CC hian Chhinga Veng CC chak kaltluang lai, a zawna Match 21 chak tawh chu an tihtawp sak a ni.
Toss-a chak Durtlang CC lamin vawm hmasak an thlang a, an tisual lo. Chhinga Veng CC te run 109 chiah siamin an all out a, an Batter ṭha Jehu Anderson awm loh a lang niin a hriat. Durtlang CC tan Ignacius Pankaj Kullu chuan wicket 5 a la a ni.
Durtlang CC ten vaw ve lehin target sang lutuk lo um mah se a khat tawka wicket an hloh ve reng avangin chak zawk tur sawi mai a harsa a, mahse, a tawpah din chang zawkin an target an um pha ta a ni.
Khaled Memorial 2nd Division Tournament-ah hian Team 10 awmin vawi khat ṭheuh an intum a, a sang pahnih, Chhinga Veng CC leh Durtlang CC ten Final khelin Season thar atan 1st Division-ah an kaisang a. A hniam pahnih, Bawngkawn Tyrants CC leh Lily Veng CC te 3rd Division lamah an tla thung.
Match Summary
Chhinga Veng CC 109/10 (25.4 overs)
Gaurav Singh – 39(31)
Ricky Lalthlamuana – 16(22)
Ignacius Pankaj Kullu – 5/13 (7 overs)
C. Zothankima – 2/26 (7 overs)
Durtlang CC 111/8 (35.2 overs)
Zothanzuala – 40(72)
Marty Lalrinhlua – 26(30)
Lalruatdika – 4/11 (8 overs)
Lalhruaimawia Ralte – 3/30 (10 overs)
Durtlang CC won by 2 wickets.
Man of the Match – Ignacius Pankaj Kullu, Durtlang CC (Stats:- 5 wickets)
Individual Prize –
Player of the Tournament – Lalrinfela, Chhinga Veng CC
Best Batter – Nasib Rai, Armed Veng CC (414 runs)
Best Bowler – K. Lalṭhazuala, Venghnuai Raiders CC ( 27 wickets)