Vawiin ni 27/2/25 khân CAM Apex Council Member te leh BCCI Councillor Pu Mamon Majumdar-a te’n Suaka Cricket Ground, Sihhmui-a BCCI-in Indoor Training Facility leh Club House/Pavillion Building min sak sak chu a hmunah an zuk tlawh .
Indoor Training Facility hi floor hnih tur a ni a, a hnuai lamah hian Office, Gymnasium, Open Shower leh Swimming Pool te awm tura duan a ni, a chung floor-ah hian Indoor Practice pitch awm tura ruahman a ni bawk. A hna hi kumin June thla-a zo ngei ngei tura tih a ni a, July thla-a hawn hman tura tih niin Prime Minister, Narendra Modi-in a hawn theih beisei a ni.
Tin, Club House/Pavillion pawh tlawh nghal niin hemi ah hian Home and Away Dressing Room awmin, Reception, Physiotherapy Room, First Aid Room, Media Room, Umpire Room, VIP Room, Office, Kitchen, Dining Hall etc leh Room 37 awmin AC vek tur a nih bakah lift pahnih awm tura ruahman a ni, a building hi Ground + 3 Floors tura ruahman a ni, an work programme aṭang chuan January, 2026-a zawh hman tur a ni.