2025 – 2026 season atana Cricket Association of Mizoram hnuaia club affiliation ti turte
tan July, 2025 ral hmain tih tur a ni. Affiliation hi Cricket Association of Mizoram office,
Tuikhuahtlangah emaw Hony. Joint Secretary, Cricket Association of Mizoram hnenah emaw in
hriattir tur a ni ang. Hengte hi club indin thar turte tana hriattur leh tul te an ni –
** CAM hnuaia club in dinthar turte reng rengin player 25 – 30 inkar an inziaklut tur a ni a,
heng player ziahluhah hian Mizo player 60% aia tlem lo an awm ngei tur a ni.
** Tournament match khelh turah playing eleven ah Mizo player 50% aia tam (mi 6 aia tlem
lo) te’n an khel tur a ni.
** Club indinthar tur reng rengin veng hming an pu tel ngei tur a ni a, an veng LC/VC
hriatpuina lehkha an nei tur a ni bawk.
** Club indinthar tur te’n Office Bearers an nei tur a ni a, chungte chu CAM in registration a
pawmsak hmain CAM ah an hriattir bawk tur a ni.
** Club indin thar tur te’n CAM hnuaia tournament khel thei turin anmahni pualin cricket
khelhna bungrua/kits an nei tur a ni.
** CAM hnuaia club indin thar tur te CAM hnuaia division thenah an tel nghal ngawt thei tawh
lo anga, 4th Division (hmun ruak pahnih) an chan theih nan, 4th Division Screening
Tournament-a bottom 2 te leh club registration tih thar tum te’n season tournament tan
hmain ‘Pre-season Screening Tournament’ an paltlang hmasa tawh tur a ni.