Senior Women’s One Day Trophy khelh mekah Mizoram chuan vawiin ni 14, Dec 2024 hian Sikkim chu Wicket 4-in a hneh.
22 Yards, Salk Lake, Kolkata-a khelhah Mizoram chu ṭhum vawrah vanneiin vawm hmasak an thlang a, over 50 vawmin Sikkim hian run 152 siamin wicket 9 an hloh. Zothansangi’n Wicket 3 a lain, Anita Lodhi-in wicket 2 a la a, Lalnunmawii leh Tarang Jha chuan wicket 1 ve ve an la bawk.
Mizoram lamin vaw ve lehin Tarang Jha chuan run 52*(90) a siam a, Lalhmangaihsangi’n run 37(101) a siam bawk. Over 44.3 ah Mizoram hian an target umphain run 155 siamin wicket 6 an hloh a, Sikkim lakah Wicket 4-in hnehna an chang a ni.
