BCCI hnuia Mipa kum 16 hnuai lam inelna neih mek Vijay Merchant Trophy khelhah vawiin khan Mizoram chuan Arunachal Pradesh chu Wicket 6-in a hneh. He Trophy hi ni thum chhung (Multi Day) khelh a ni a, Mizoram hi Plate Group-ah awmin Cuttack, Odhisa-ah an khel a ni.
Thum vawrin Arunachal Pradesh chakin vuak hmasak an thlang a, run 107 siamin an all out a. Mizoram lam atangin Hmingthanpuia leh Saingurpuia chuan wicket 4 ve ve an la a ni. Mizoram lam bat vein run 290 siamin an all out a, Ramhlun Venglai rawlthar Joel K. Lalthlamuanpuia chuan run 65 a vaw chhuak.
2nd Innings-ah Arunachal Pradesh lamin run 269 siamin K. Vanlallawmkima chuan wicket 4 lain, Captain Henry Lallawmzuala pawhin Wicket 3 a la ve bawk. Mizoram tan Target 87 niin harsatna awm lovin wicket 4 hlohin an target an umpha a, Wicket 6-in hnehna an chang a ni.
MATCH SUMMARY
Arunachal Pradesh won the toss and chose to bat.
1st innings:
Arunachal Pradesh – 107/10
Hmingthanpuia (4 wkts)
Saingurpui (4wkts)
Mizoram – 290/10
Joel K Lalthlamuanpuia – 65
2nd Innings:
Arunachal Pradesh – 269/10
Henry Lallawmzuala (Capt) – 3 wkts
K Vanlallawmkima – 4 wkts
Mizoram – 87/4
Mizoram won by 6 wickets.