CAM Season Opening Tournmanent pawh vawiin Dec ni 2, 2024 khan Suaka Cricket Ground Sihhmui-ah khelh zawh a ni a, Final inkhel inhnehtawk takah Chhinga Veng Cricket Club-in hnehna an chang.
Toss-a chak Chanmarians Cricket Club-in bat hmasak an thlang a, tun Tournament-a run la siam hnem ber Lalhruaizela che sualin run 6 chiah siamin a out a. Wicket Keeper Karan Chhetry (21) leh Captain Lalnunkima Varte (12) zarah run 61 an tlin hram a ni. Chhinga Veng lam tan tun Tournament-a che tha tak B. Lalnunfela chuan wicket 4 lai a rawn la a, Captain Lalchhandama Sailo-in Wicket 2 lain run 3 chiah a pe a, Maiden over vawi 2 a nei bawk a, a vawm tha takzet a ni.
Chhinga Veng CC lamin bat ve lehin anni pawh an Opener te run siam mang lovin an out a, Lower Order Batsman Moses Ramhlunmawia (16) leh William Rinawma Pachau (13) zarah run 61 tho an siam ve a.
Score a inan avangin Super Over hmanga chak zawk zawn a ngai a, Chhinga Veng CC lamin vaw hmasa-in run 12 an siam a, Chanmarians CC in run 11 chiah an tlin theih avangin Chhinga Veng CC in run 1 in hnehna an chang ta a ni.
Match Summary
Chanmarians Cricket Club won the toss and elected to Bat first.
Chanmarians Cricket Club 61/10 (20 overs)
Karan Chhetry- 21(30)
Lalnunkima Varte – 12(23)
B. Lalnunfela – 4/16 (4 overs)
Lalchhandama Sailo – 2/3 (4 overs)
Chhinga Veng Cricket Club 61/8 (20 overs)
Moses Ramhlunmawia – 16(21)
William Rinawma Pachuau – 13(22)
Lalhruaizela – 2/7 (4 overs)
Alfred Hmangaisang Hmar – 2/17 (4 overs)
Score Tied
Super Over
Chhinga Veng Cricket Club – 12/0
Chanmarians Cricket Club – 11/1
Chhinga Veng Cricket Club won the match by 1 run
Man of the match – B. Lalnunfela, Chhinga Veng CC (Stats:- 9 runs, 4 wickets)