Cooch Behar Trophy (Under 19) khelh mekah vawiin ni 30/11/2024 khan Mizoram chuan an tumpui Sikkim chu Innings khat leh run 63-in a sawp.
He inkhel-ah hian Sikkim lam toss-ah chakin vawm hmasak an thlang a, Mizoram hian run 355 siamin wicket 9 an hloh a, an Innings an duhtawk (declare) a. Hetah hian Zemabawk rawlthar CAM Emerging Player of the Year ni lai mek Lalramluahpuia Zote chuan run 150 zet a vaw chhuak a, Lalhlimpuia pawhin half century siamin run 52 a siam bawk.
Mizoram lamin vawm ve lehin Sikkim hian run 89 chiah siamin all out a, Mizoram run an umphak loh nasat em avangin follow-on in 2nd Innings an bat leh nghal a. Chutah pawh chuan 203 siamin an all out leh a, Mizoram run siam zat run 63-in an la pha ta chuang lova. Tichuan, Mizoram chu Innings khat leh run 63 in an chak ta a ni.
Bowling lamah PC Zothankima, Tlangnuam chuan Wicket 9 (4+5) lai a la a, Captain Johan Lalbiakkima pawhin Wicket 8 (5+3) lain an thawh hlawk dun hle a ni.