T20 format Syed Mustaq Ali Group A inkhelah vawiin ni 29 Nov. 2024 hian Mizoram chuan Champion lai Punjab hmachhawnin inkhel inhnehtawk takah Super Over-ah an chak lo.
Punjab toss-ah chakin vawm hmasak an thlang a. Mizoram Opener pahnih Jehu Anderson (Dawrpui Vengthar) leh Agni Chopra (Outstation) te’n ṭha taka bul ṭanin partnership 46 runs lai an rawn nei thei a. Jehu Anderson hian run 18 (16) rawn siamin Agni Chopra hian run 52 (34) a rawn siam a, Outstation player dang Mohit Jangra-in run 67 (34) zet a rawn siam a, Ramhlun Venglai tlangval F. Vanlalmuanzuala’n run 18 (22) a thawh bawk. Mizoram hian over 20 chhungin run 176 siamin wicket 5 an hloh a ni.
Mizoram vawm hunah pawh Outstation player KC Cariappa che ṭhain over 4 a vawmah run 14 chiah pein wicket 2 a rawn la a, Ramhlun Venglai tlangval Joseph Lalthankhuma’n wicket 2 tho lain Mohit Jangra pawhin wicket 2 tho a rawn la ve bawk. Punjab-in over 20-ah run 176 tho siamin wicket 7 an hloh a.
Super Over-ah Punjab-in bat hmasa-in run 15 an siam a. Mizoram-in run 7 chiah an tlin thei a, Champion lai Punjab-in run 8-in hnehna an chang a ni
