October ni 25, 2024 Ningani khan Samagra Shiksha Mizoram leh Cricket Association of Mizoram te hmalakna kal zelah, Siaha District Samagra hnuaia District Level Grassroot Cricket School chu District Samagra Shiksha Office, New Siaha ah hawnna hun buatsaih ani a, zirlai naupangte tan hmanrua a sem nghal a ni bawk.
He hun hi Siaha District Cricket Association Secetary Pu K Beirathie in kaihruaiin, Pu Zokhai Khuhly, Coordinator in ṭawngṭaina a neia, Pu T Vabeichhuakhu, District Coordinator leh Pu Derick Salai Solo, President Siaha District Association te’n thusawina neiin Grassroot Cricket School hawnna neih a ni.
He Grassroot Cricket School hi Old Siaha UPS chu innghahna atan hmangin, zirlai naupang 50 in District Playground ah karkhatah vawithum coaching class an kal ṭhin ang.
Tun hnaia CAM hnuaia District Certified Coaches pass chhuak – Immanuel leh Benjamin Beita te enkawlna hnuaiah admission free in tun Academic Session chhung atan an kalpui dawn a ni.