BCCI hnuaia Mipa Senior Team te inelna sang ber Ranji Trophy khelh meka Mizoramin Arunachal Pradesh hneh turin ni hnuhnung ber (last day of the match) ah wicket 3 lak an la mamawh. He match ah Joseph Lalthankhuma chuan century a siam a. Joseph-a hian run 128 siamin a damtluan a ni.
Joseph-a bakah hian Mizoram guest player chhuanvawr Agni Chopra chuan double century/run 238 lai siamin a out lo bawk.
Joseph-a leh Chopra te pahnih run siam dun (partnership) hi run 384 niin, Mizoram partnership run record a ni bawk.
Tunah hian Mizoram hi chak turin dinhmun ṭha takah a awm mek a ni.
Mizoram Team te hi a thawh hnihna (2nd innings)ah an che ṭha hle a, run 404 an siamah wicket 2 chauh an hloha, 2nd innings batting hi duhtawkin lehlam bat na hun pe (declare) a, Arunchal tan target sang tak run 399 an tuksak a ni.
Thawhṭanni (21/10/2024) hi final day anih dawn avangin run 399 siamtlin anih hma leh day 4 a zawh hmaa vawm out vek turin bowler te chet ṭhat a pawimawh hle dawn a ni.
Day 3 ah hian Arunachal hian run 77 siamin batsman 3 an out tawha, run 323 an siam a la ngaia, Mizoramin wicket 7 lak a la ngai thung.