Cricket Association of Mizoram chuan September ni 12, Ningani hian 2024 – 2025 season atana Mizoram team hrang hranga Manager turte tan Training a buatsaiha, Manager tur te pawh an kim vek a ni.
He hunah hian Manager a tawnhriat ngah tawh tak Pu Raj Kumar Joshi, Ṭhuampui chuan training hi a pe a, Manager tih tur te, mawhphurhna te leh hriattur pawimawh te a sawi.
Training hi Pu Lalrochuanga Pachuau, CAM President in kaihhruaiin Manager Training neih anih chhan te leh an laka hruaitute beisei te a sawia, Vice President Dr. Joel Lalnghakliana Pautu leh Joint Secretary Pu Lalfakawma Varte te’n thu an sawi ve bawk.
Team hrang hranga Manager turte hi mi 10 niin thil pawimawh leh ṭul te inzirtir a ni a, zawhna leh chhanna hun te, sawihona (discussion) te neih a ni bawk.
Mizoram team te hi India ram hmun hrang hrangah tournament khel turin karleh aṭang hian an zinchhuak ṭan dawn a ni.