September ni 4 – 5, 2024 chhung khan Cricket Association of Mizoram chuan district hrang hrang te tan CAM Certified Training a buatsaiha, hetah hian umpiring, scorer, coaching leh match referee te zir hona hun neih a ni. CAM hnuaia District Cricket Association hrang hrang aṭangin mi 46 te he hun hi an tel tluan thei a ni. Khawzawl district tih loh chu district dang pakua aṭangin an tel thei a, training ah hian hmeichhe pali an tel bawk.
Training khar ni hian CAM hruaitu te leh district trainee te lam aṭangin thusawi ṭha tak tak ngaihtlak a ni bawk. He huna thusawitu Pu Lalrochuanga Pachuau, CAM President chuan trainee te chu an vanneih zia te, cricket tuina tak tak nena cricket kaltlanga sum leh pai hailuh theih anih zia te a sawi.
Pu P Lalremruata, CAM Scretary pawhin cricket hi Aizawl chauh ni loin Mizoram pum tan anih thu sawiin, CAM pawhin district tin te dinhmun thlir chunga hma a lak zel thu a sawi.
Training petu/Expert te hi Coaching ah – Pu Vanlalremkima Ralte leh Pu J Lalremruata te an ni a, Match Referee ah Pu Kros Lalnunpuia, Umpiring ah Pu Lalawmpuia leh Scorer ah Pu Vishnu Bhandari te an ni a, anni hi BCCI hnuaia course ṭha taka pass chhuak leh Mizoram pum huap pawha CAM in a chhuan tak tak te an ni.
He training ah hian practical leh theory ah te exam neih a ni a, mark te pek fel anih hunah a pass chhuak te chu CAM in a chhawr zui theih turin certificate pek an ni ang.