Vaivakawn Veng chuan an vengchhunga cricket tihlarnan leh cricket hmasawnnan Joint YMA field, Vaivakawn ah ‘Vaivakawn Cricket Local Tournament’ an buatsaiha, he tournament ah hian team 6 chhuakin, August ni 3, 2024 aṭanga tournament hi khelh ṭan niin, Inrinni leh holiday ah te inkhelh ṭhin a ni.
Ruahhman dan chuan August ni 17 ah final match khelh tum a ni.
He tournament hi vengchhung cricket tuimi te bakah Vaivakawn leh a ṭhenawm veng mipuite pawhin an ngaihvenin an hlutpui hle bawk.
Tournament hi t20 format a khelh niin, match tinah ‘Man of the match’ thlan ṭhin niin, Rs. 500/- lawmman a keng tel bawk. Hei bakah hian Tournament Best Bowler, Best Batsman te thlan a ni bawk ang. Champion team hian Rs. 10000/- leh trophy an dawng anga, Runners up team pawhin Rs. 5000/- leh trophy an dawng bawk ang.