North East Cricket Development Committee (NECDC) Conclave vawi 9 na leh Achievers’ Award vawi 3 na chu Shillong ah June ni 1, 2024 ah neih a ni.
Conclave hi tlai lamah neih a ni a, rorelnaah hian NECDC lam pum (full form) a Committee tih ṭhin chu Council tia thlak a ni a, NECDC member te tan Mipa leh Hmeichhia (Men & Women) tournament huaihawt nise, mipa tournament hi Nagaland in an thleng anga, hmeichhe tournament hi Meghalaya in an thleng bawk ang.
Rorelna neih zawh hian NECDC hnuaia player season hmang ṭha te chawimawina hun Achievers’ Wards neih a ni a; Mizoram players zingah Jehu Anderson, Dawrpui Vengthar chu Best Wicket Keeper (Senior Men) ah thlan a ni a, Vanlalremtluangi, Zemabawk chu Best Wicket Keeper (Senior Women) ah thlan niin, Lalrinmawii, Ainawn chu Best Bowler (Senior Women) ah thlan a ni bawk.
NECDC Conclave & Achievers Award neih leh na tur atan Sikkim thlan a ni bawk.