Serchhip District Cricket Assocaition (SEDCA) chuan May ni 8, 2024 (Niliani) chawhnu dar 2:00 khan Serchhip DC Conference Hall-ah 3rd Inter District Cricket Tournament Champion lawmna hun an hmang.
He hunah hian District Bawrhsap David Lalthantluanga, I.A.S chu khuallian niin Champion Team lawmpuina thusawiin lawmpuina thilpek a hlan bawk.
Champion Team-a telte hi SEDCA chuan lawmpuinan Rs. 2000/- ṭheuh a pe a, hei bakah hian SEDCA hnuai aṭanga Mizoram team-a khelte chawimawina hun hman nghal a ni a, Memento leh Rs. 1000/- lawmpuina atan hlan an ni.
Champion lawmna hi Serchhip District Sport Committee hruaitute te, DIPRO te, khawtlang hruaitute leh MJA Serchhip District te’n an hmanpui. Champion lawmna ruai zanriah kilho nghal a ni bawk.