Mizorama leaque ngaihhlut hlawh leh sum che vel tamna Mapuia Memorial Mizoram Cricket Leaque (MCL) fixture chu May ni 8, 2024 Nilaini zanah Aijal Club ah Pu Lalrochuanga Pachuau, CAM President in a tlangzarh.
He hunah Apex Council Member, MCL Organising Committee, MCL khel tur club 6 te leh Tournament Committee te an tel a ni.
MCL hi ṭum danga sponsor ṭhintu Fancode lam remchan hun leh CAM lamin MCL buatsaih a tum hun a inmil loh deuh avangin fixture tlangzarh hmain club te nen sawihona neiha, an duhdan te ngaihthlak hmasak a ni a, club te duhthlannain tun MCL chu Fancode sponsore lohin CAM sum neihsa hmanga tlema inhrek deuhin kalpui tura tih a ni.
MCL hi ruahhman dan chuan May ni 14 a ṭana, May ni 29 a final khelh tura ruahhman niin, LPS leh Zonet lama live tura ruahhman a ni bawk.