3rd Inter District Cricket Tournament April ni 23 – 27 inkara Champhaia neih tur chu April ni 22 (Thawhṭanni) zanah Vuakhawnna Hun (Hit off) ZNS Picnic Spot, Champhaiah neih a ni a dawn. He tournament hi Champhaia field pahnih New Champhai field ah leh Ruantlang Playground ah te neih tur niin, heng field pahnih ah te hian nitin match 4 khelh ṭhin a ni ang.
3rd Inter District Cricket Tournament ah hian district pariat – Champhai DCA, Kolasib DCA, Serchhip DCA, Siaha DCA, Lunglei DCA, Mamit DCA, Lawngtlai DCA leh Saitual DCA te group hnihah inṭhenin an inel dawn a ni. Group 2 –a a sang ber ve ve te’n Inter District champion ni turin final an khel leh ang.
Inter District tournament ah hian champion lai chu Kolasib DCA niin, anni hi tournament hmasa berah pawh khan an champion a, record an nei ṭha hle a ni. Inter District Cricket Tournamnet hi t20 format a khelh ṭhin niin, Cricket Association of Mizoram chuan season tin a buatsaih ṭhina, district capital hrang hrang te’n an inthlen chhawk ṭhin a ni. CAM hnuaiah hian Aizawl district tih loh chu cricket association hi din vek a ni bawk.
Result lo neih tawh dan –
1st Inter District Cricket Tournament
Host – Serchhip DCA
Champion Team – Kolasib DCA Runners up Team – Serchhip DCA
2nd Inter District Cricket Tournament Host – Lunglei DCA
Champion Team – Kolasib DCA Runners up Team – Siaha DCA