January ni 20,2024 aṭanga khelh ṭan Mahuma Memorial 1st Division Screening Tournament chu April ni 13, 2024 hian khelh zawh a ni a, final ah Chanmarians CC chuan Kulikawn CC chu wicket 7 a hnehin an champion.
1st division ah hian club 8 awmin, an inkhel kual veka, table a point hmusang pahnih te’n final an khela, table a a hniam pahnih te 2nd division ah an tla thla bawk. Tournament match te hi 50 overs format a khelh a ni.
1st division table a a sang pali te hian cricket tournament sum che vel tamna leh ngaihhlut ber zing ami MCL khel thei turin an tling nghal a, hmun ruak pahnih te hi lei tura chhawpchhuah a ni ang.
Table a a hniam pahnih Bawngkawn South CC leh Chhinga Veng CC te chu 2nd division a an thla thla bawk ang.
Mimal lawmman la te :
Man of the Match in final –
TC Vanlalremruata, Chanmarians CC
Best Bowler – Lalrempuia, Kulikawn CC
Best Batsman – Vikash Kumar, Kulikawn CC
Player of the tournament – Lalrempuia, Kulikawn CC