January ni 9, 2024 aṭanga khelh ṭan Khaled Memorial 2nd Division Screening Tournament chu April ni 12, 2024 ah final khelh niin, final ah Pacers CC chuan Luangmual CC chu run 74 a hnehin an champion.
2nd division ah club 10 awmin, an inkhelh kual vek hnuah table a sang pahnih te’n final an khel a ni.
Tournament hi 50 over format a khelh niin, point hmusang pahnih/finalist te hi season tharah 1st division ah an kai anga, point hmu hniam pahnih te season tharah 3rd division ah an tla thla thung ang.
Heti hian Pacers CC leh Luangmual CC te season tharah 1st division an ni anga, Chaltlang CC leh Legend CC te 3rd division an ni tawh ang.
Mimal lawmman dawng te :
Man of the match in final – Marcus Lalpekhlua, Pacers CC
Best bowler – Henry Zosangzuala, Pacers CC
Best batter – Marcus Lalpekhlua, Pacers CC
Player of the tournament – Lalhmangaiha, Luangmual CC