Cricket Association of Mizoram hnuaia academy te tan Inter Academy cricket tournament March ni 16 aṭanga khelh chu April ni 1 hian final khelh niin final ah Ramhlun Venglai Cricket Academy in wicket 6 in Zemabawk Cricket Academy an hneh. Final ah hian wicket 2 la a, run 33* siamtu Immanuel Lalpekhlua chu Man of the match ah thlan a ni.

He tournament ah hian academy 11 an inlan thei a, tournament hi over 50 (50 over format) a khelh a ni. Final hi ruahsur nghawng avangin over 25 a khelh a ni thung. Tournament hi knockout system a khelh niin, Ramhlun Sports Complex field ah khelh a ni.

Result
Champion Team –
Ramhlun Venglai Cricket Academy

Runners up Team –
Zemabawk Cricket Academy

Player of the tournament –
Lalramluahpuia Zote, Zemabawk CA

Best batter –
Lalramluahpuia Zote, Zemabawk CA

Best bowler –
Lalrinchhunga, Zemabawk CA