Cricket Association of Mizoram hnuaia team hrang hranga supporting staff te, players te leh Apex Council member te’n
2023 – 2024 season hman meka BCCI tournament a Mizoram Team te performance thlirletna leh season lo awm leh tur atana hmasawnna tur te sawihona Season Thlirletna Hun March ni 25 leh ni 26 hian CAM Office, Tuikhuahtlangah neih a ni.
He hun hi CAM Hony. President in a kaihhruaia, thlirletna hun hlawkthlak tak neih a ni.
A ni 1 na Thawhṭanni (25/03/2024) ah hian Mizoram Team a supporting staff te nen neih a ni a, hmeichhe team leh mipa team angin hun hniha neih a ni a, hetah hian team management chungchang te, players chungchang te leh CAM hmalam hun atana ṭha tur hrang hrang te sawihoa, rawtna te siam a ni.
A ni 2 na Thawhlehni (26/03/2024) ah hian team tina players te nen inkawmhona a hrang hranga neih a ni leha, he hunah hian player te’n an mamawh leh ṭul nia an hriat te, rawtna an neih te zalen taka an ngaihdan sawichhuahna hun te siamsak a ni.
Season thlirletna hunah hian Chairman leh Apex Council member dangte pawhin team chungchanga CAM kalphunga inhrilhfiah ngai te inhrilhfiahna neiin, Mizoram Team a beiseina a neih dan te leh programme buatsaih anih chhan te inhrilh hriat a ni bawk.
Heng sawiho leh rawtna hrang hrang te hi chhinchhiah vek niin, Apex Council meeting neih huna thlirnawn tur leh bawhzui tura dah a ni.