Serchhip Khawtetlang Field a khel zawh tak Serchhip District Cricket Association buatsaih, Serchhip District Cricket League 2023-24 chu February 17, 2024 (Inrinni) ah final khelh niin AO3C Cricket Club in Tuikhuah Veng Cricket Club te chu run 115 a hnehnin an champion.
Serchhip District Cricket League khelh zawh takah hian Match 16 khelh a ni a, run 269 siamtu AO3C player Kangjam Suraj Singh chu ‘Best Batsman’ ah thlan a ni a, ‘Best Bowler’ ah wicket 10 latu Samuel Lalremruata, Hmar Veng Cricket Club chu thlan a ni a, ‘Emerging Player of the Tournament’ ah B. Lallawmpuia Hmar Veng Cricket Club chu thlan a ni bawk.
Serchhip District Cricket League 2023-24 Champion AO3C Cricket Club hian trophy leh pawisafai cheng singkhat an dawng a, Runners Up Tuikhuah Cricket Club in Trophy leh pawisafai cheng sangnga an dawng bawk a, Tournament a tel zawng zawng hian Match money an dawng vek bawk a ni.
Tournament hi t20 format a khelh niin kar tawp Zirtawpni leh Inrinni ah khelh ṭhin a ni.
‘Inter District Cricket Tournament 2023 -24 season’ lo awm tur atana inbuatsaih nan Serchhip DCA hian ‘5O over match’ huaihawt leh turin ruahmanna a siam leh nghal a ni.