Lunglei District Cricket Association chuan CAM hnuaiah Associate Member a hlankai lawmna atan tournament Ṭhuamluaia Mual ah a buatsaih.
Tournament buatsaih tur hian Ṭhuamluaia Mual hman theih hun, hun awl remchang lain nikhatah match 3 khelin tournament hi khelh a ni.
Tournament ah hian heng team 6 te hi an tel –
Lunglei Warriors CC YPCC Serkawn
Lunglawn CC
Venglai CC
Chanmari CC
Zotlang Blazing Bulls CC
LDCA President Pu Lalrotluanga (Pu Marova) chuan kumthar aṭang chuan Tournament hi tun aia tam zawka buatsaih tum anih thu leh Night Cricket ang pawhin hmalak anih tur thu a sawi bawk. Registration leh Club Management/Administration pawh tun aia kan kal uluk tur thu a sawi bawk.
Lunglei DCA hian Associate Member an nih hma pawhin mumal takin tournament hi district huapin season tin an buatsaih ṭhin bawk. Kum 2023 chhungin tournament ṭum 3 buatsaih tawh niin,
January thlaah hian LDCA hian President’s Cup huap zau zawkin an buatsaih dawn bawk a ni.
Tin, January ni 3, 2024 hian zan riakin Lunglei DCA in Chawngte ah Tour Programme nei turin ruahmanna an siam bawk.