Mizoram U-16 ten Arunachal Pradesh U-16 te innings leh run 100 in an sawp

VIJAY MERCHANT TROPHY – Mens Age Group U-16 ah Mizoram U-16 ten Arunachal Pradesh U-16 te innings leh run 100 in an sawp.

Mizoram in vawm hmasa in Arunachal Pradesh te run 43 chauh siamtirin an vawm out vek a, Lalnunzira, Zemabawk veng chu Arunachal Pradesh lamin an ngamlo hle a over 11 a vawm ah run 19 chauh pe in wicket 9 a la a ani. Mizoram lam bat ve in Run 231 ah mi 9 out in an duhtawk (declared) a Imanuel Lalpekhlua’n run 66 siamin Zothangpuia leh C Laldinpuia ten run 38 ve ve siamin an thawh hlawk hle a ni.

Arunachal Pradesh lamin bat veleh in run 88 ah bawk an out leh vek a Mizoram 1st innings hi run 100 a um phak lovin Mizoram lam pawh bat chhunzawm ngailovin hnehsawh takin an chak a ni. 2nd innings ah hian Lawmkima chuan wicket 6 a la ve leh a, Lalnunzira wicket 2 a lak belh a vangin he match ah hian wicket 11 lai a la a ni.