Presidents Cup Champion hlim Kulikawn CC te thumvawr ah vannei zawkin an vaw hmasa a 1st innings ah hian run 142 siamin an out vek a C Lalrempuia che tha berin run 43 a vaw chhuak a wicket keeper Saidingliana Sailo chuan run 17 a thawh ve bawk a Presidents Cup Finalist Thuampui Chinari CC lamah Sumit Lama leh Arbin Shahi ten wicket thum ve ve la in Nasib Rai leh Gaurav Singh ten wicket hnih ve ve an la bawk a ni. Thuampui Chinari CC te vuak chhunzawm veleh in Kulikawn CC bowler K Lalthazuala vawm that zar ah Thuampui Chinari CC te hian run 91 bak siam theilovin an out vek a K Lalthazuala hian wicket 5 a la a, C Lalrempuia’n wicket 3 a la ve bawk a ni.
2nd innings tan leh in run 51 a hma hruai sa in Kulikawn CC lamin run 146 an thawh belh a Sahil Reza chu Kulikawn tan a run siam hnem ber niin run 38 a vaw chhuak a Thuampui Chinari CC lamah Sahil Sharma chuan wicket 4 a la ve thung a, Suaka Cricket Ground a target sang ve pangai tak run 198 um hian Thuampui Chinari CC ten run 101 bak an tlin ta lova an target hi run 96 in an pha ta lo a ni.
Presidents Cup a Best Bowler leh Player of the Tournament a an thlan tak C Lalrempuia chu Man of the Match a thlan niin ani hian tun match ah hian wicket 8 la in run 54 a siam bawk a ni.