Gokulbhai Somabhai Patel Stadium – Nadiad, Gujarat ah Mizoram U-19 ten Manipur U-19 wicket 8 in an hneh.
1st innings ah Manipur U-19 te bat hmasa in run 113 ah an out kim vek a Isaak VL Ngaihzuala, Sihphir chuan over 7 ah run 19 pe in wicket 4 a la a, K Vanrotlinga leh Prem Layak ten wicket hnih ve ve an la a, run 113 um in Mizoram U-19 te hian run 100 chauh an siam a F Lalnunkima’n run 33 siamin a vaw chhuak hnem ber a ni.
2nd innings ah Manipur U-19 te tun 13 a lead sa in bat mahse run 68 ah out vek in Ramhlun Venglai rawlthar K Vanrotlinga a vawm tha tak zet a over 13 ah run 32 pe in wicket 7 a la a Hattrick a siam hial a ni. Mizoram U-19 ten an target run 82 umin 1st innings a an chet sual na ah che sual nawn lovin wicket hnih chauh hlauh in an target hi an an umpha a wicket riat in Manipur U-19 te an hneh ta a ni. 2nd innings ah hian Captain K Vanrotlinga chu a tawp thleng dam in ball 20 ah run 29 a vaw chhuak a, Player of the Match a thlan a ni bawk a ni.