Gorkha Cricket Club in Apex Council, a club hming thlak an rawn dilna leh rawtna te chu enho anih hnuin an dilna chu pawm niin Ṭhuampui Chinari Cricket Club tia thlak a ni a; hetiang tho hian Gorkha Rising Cricket Club tih chu club lam rawtna neihsa ang thoin Khatla Rising Cricket Club ti a hming thlak a ni bawk.
CAM hnuaia club hming te hi hnam bil hming leh mimal hming put leh phuah a theih loh avanga thlak an ni.
CAM hnuaia club hming thlak anih dawn hian Apex Council ah dilna ziaka thehluha, remtih anih hnuin club lama a hming tur rawtna lo awm te remtih anih chuan thlak theih a ni.
Hetah hian OB nilai te’n dilna lehkhaah hian hmingthlak an dilna hriatpuina leh remtihna original signature (scan ni lo) a awm tel ngei tur a ni bawk.