Cricket Association of Mizoram leh Samagra Grassroot Cricket School te thawhdunna hnuaiah Samagra School hnuaia cricket zirna kalpui ṭhin a ni a. He thawhdunna hnuaiah hian cricket bungrua leh thawmhnaw te inhlanna hun CAM office, Tuikhuahtlangah Samagra School hotute nen November ni 1, 2023 khan neih a ni. Samagra Grassroot School Cricket hnuaiah hian Aizawl khawchhunga school thlanchhuah bik te hnenah cricket zirna kalpui ṭhin a ni a, tun season (2023 -24) aṭang hian Aizawl khawpawn/District pawn lam heng – Serchhip, Siaha leh Zawlnuam te hi thlan niin, heng district/khua a school naupang te tan hian CAM chuan cricket coaching a thlawnin a pe ṭhin dawn a, naupang te’n cricket an zirna tur atana bungraw pawimawh leh thawmhnaw te pawh a thlawnin zirlai te hnenah CAM chuan Samagra kaltlangin a pechhuak ṭhin dawn a ni.
