September Ni 30, 2023 inrinni khan Cricket Association of Mizoram (CAM) chuan Aijal Club ah Annual General Meeting 2023 neih ah Pu Lalrochuanga Honorary President chuan kaihruaiin 2023-24 Budget atan Rs 23,90,83,500/- chu chipchiar taka sawiho hnuah pawm a ni. Heng zingah hian Mizorama Cricket a lo than zelna’n Grass Root Cricket atan Samagra nena țangrualin Rs 50,00,000 dah niin, Infrastructure atan Rs 10,00,00,000 dah a ni. Season lo awm tur atan hian Club tinte inrelbawlna’n CAM chuan sum thahnem tak a dah bawk a, Academy-a naupang zirlai 25 nei chinte tan chuan Rs 4,00,000 a dah a ni.
Cricket Association of Mizoram (CAM) chuan Honorary Secretary tharah Pu P Lalremruata (Chaltlang) an thlang tling a. CAM Honorary Secretary tang lai Pu Mamon Majumdar chu Board of Control for Cricket in India (BCCI) roreltu sang ber Apex Council member atana thlan tlin a nih avangin CAM-a a post chelh lai Hony. Secretary chuan a chelh chhunzawm a remchan tawh loh avangin term laklawh laiin CAM hian Hony. Secretary thar thlan a ngaih ta a ni.
He rorel ah hian Committee hrang hrang sawmpakhat siamin committee member 51 lai an ruat bawk.
Pic: from Left to Right
Dr Joel Lalnghakliana Pautu (Honorary Vice President)
Lalrothuama (Honorary Treasurer)
Lalrochuanga Pachuau (Honorary President)
P Lalremruata (Honorary Secretary)
Lalfakawma Varte (Honorary Joint Secretary)
Lalrosanga (Apex Council Member)