April ni 10, 2023 khan Aijal Club ah CAM hnuaia leaque sang ber leh ngaihhlut hlawh ber zing ami Mapuia Cricket Leaque (MCL) Auction neih a ni a, 1st Division Leaque a semi finalist club pali – Ramhlun Venglai CC, Zarkawt Lords CC, Kulikawn CC leh Gorkha CC te chu MCL khel thei sa an ni a. Hemi bak hmun ruak pahnih hi lilam niin club lei tum zingah Luangmual CC leh Chanmarians CC te’n an chang ta a ni.
Luangmual CC hian chhang huai berin cheng nuai 6 (₹600000/-) in an lei thei a, hmun ruak pakhat zawk hi Chanmarians CC in cheng nuai 5 (₹500000/-) in an lei bawk.
Hemi zawh hi MCL khel lo club aṭangin player lilamna neih nghal niin player zawrchhuah zingah Lalruatdika, Ramhlun South, Chhinga Veng CC player chu player man to ber niin cheng sing thum (₹33000/-) in Zarkawt Lords CC te’n an lei.
Club hrang hrang te’n player 27 an lei a, heng player leina senso ah hian cheng nuai hnih sing nga (₹250000/-) hman a ni.
MCL hi April ni 17, 2023 ah Suaka Cricket Ground, Sihhmui ah khelh ṭan tur niin, T20 format a khelh tur a ni ang.
He tournament ah hian champion in cheng nuai thum (₹300000/-) an dawng ang a; a pumpuiah prize money atan cheng nuai sawmpahnih leh sing sarih sangnga (₹12,75,000/-) sem a ni ang.
A hnuai a tarlan ang hi MCL kheltur club te player lei dan a ni e.